ნეკნთაშუა (ნეკნთაშორისი) ნევრალგია, ხერხემლის გულმკერდის არის ტკივილი

ტკივილის სინდრომი ნეკნთაშუა ნევრალგიის დროს

ნეკნთაშუა (ნეკნთაშორისი) ნევრალგიის დროს ტკივილის სინდრომი წარმოადგენს ნეკნების პროექციაში გულმკერდის არის გარშემოვლით მწვავე ტკივილს. წარმოშობით ეს ტკივილები ნეკნთაშუა ნევრალგიის დროს შეიძლება იყოს ვირუსული ან ტრავმატული ხასიათის. ძალიან ხშირად პაციენტები ნეკნთაშუა ნევრალგიას ურევენ ხერხემლის სვეტის გულმკერდის ოსტეოქონდროზის დროს კუნთების ტკივილში.

ჰერპეს ზოსტერის ვირუსული ინფექციის დროს (varicella-zoster) ხდება თვითონ ვირუსის აქტიური დაყოფა ნეკნთაშუა ნერვის მიელინურ გარსში. პოსტჰერპესული ნეკნთაშუა ნევრალგიის დროს ზოსტერისმიერი გამოწვეულ ტკივილს აქვს გამსჭვალავი, „ხანჯალივით მჭრელი“ ხასიათი ერთი შეხედვით გარეგნულად ჯანმრთელ კანთან შეხებისას ნეკნებშუა დონეზე. ნეკნთაშუა ნევრალგიის დროს ჰერპესით გამოწვეული ტკივილის გაჩენისას, ინკუბაციურ პერიოდში, პაციენტს აქვს ქავილი ვირუსით დაზიანებულ ადგილას.

მომწიფების შემდეგ გამჭვირვალე სითხით სავსე ბუშტუკები გამოდის კანზე და ისინი ტანსაცმლისა და თეთრეულის შეხებისას ძალიან მტკივნეულია.

გულმკერდის ტრავმატული დაზიანებები, რომლებსაც ნეკნთაშუა ნერვის გარსების კომპრესია ან გაღიზიანება მოსდევს, ვლინდებიან მწვავე ლოკალური ან გარშემოვლითი ტკივილით ნეკნთაშუა არეში. ეს ტკივილი შეიძლება ნეკნთაშუა ნერვის დაზიანების მხრიდან გადაეცეს მკერდში.

 

ხერხემლის გულმკერდის არის ტკივილის და ნეკნთაშუა ნევრალგიის დიაგნოსტიკა

ხერხემლის გულმკერდის არის ტკივილის და ნეკნთაშუა (ნეკნთაშორისი) ნევრალგიის დიაგნოსტიკა არაა რთული. პაციენტის გასინჯვისას პალპაციის, ფუნქციონალურ ტესტების (მოძრაობის შემოწმება), კანის საფარველის შემოწმების დროს ვლინდება ტკივილის წყარო. ხერხემლის გულმკერდის არის ტკივილის და ნეკნთაშუა ნევრალგიის დიაგნოზზე ეჭვის შემთხვევაში შეიძლება დაინიშნოს ხერხემლის სვეტის გულმკერდისა და გულმკერდის გამოკვლევის დამატებითი აპარატული მეთოდები.

ექიმთან კონსულტაციის შედეგების მიხედვით საჭიროების შემთხვევაში პაციენტს ხერხემლის სვეტის გულმკერდის ოსტეოქონდროზითა და ნეკნთაშუა ნევრალგიით გამოწვეული ტკივილის დროს შეიძლება დამატებით დაენიშნოს შემდეგი დიაგნოსტიკური პროცედურები:

• ხერხემლის სვეტის გულმკერდის რენტგენოგრაფია
• ხერხემლის სვეტის გულმკერდის კომპიუტერული ტომოგრაფია
• ხერხემლის სვეტის გულმკერდის მაგნიტურ-რეზონანსული ტომოგრაფია
• სისხლის ანალიზი ვირუსულ ინფექციაზე

 

ხერხემლის გულმკერდის არის ტკივილის და ნეკნთაშუა ნევრალგიის მკურნალობა

ხერხემლის გულმკერდის არის ტკივილის და ნეკნთაშუა (ნეკნთაშორისი) ნევრალგიის გამოვლენის სირთულისა და მიზეზების გათვალისწინებით პაციენტს შეიძლება ჩაუტარდეს შემდეგი სამკურნალო ქმედებები:

• მედიკამენტოზური მკურნალობა (არასტერიოდული ანთების საწინააღმდეგო საშუალებები, ანალგეტიკები, ჰორმონები, ანტივირუსული პრეპარატები, B ჯგუფის ვიტამინები)
• ბლოკადები - პრეპარატების ინექცია მტკივნეულ ნეკნთაშუა და პარავერტებრალურ კუნთებში
• მანუალური თერაპია (რბილი კუნთოვანი, ოსტეოპათიკური ტექნიკა)
• ფიზიოთერაპია
• სამკურნალო ტანვარჯიში
• რეფლექსოთერაპია ("ჩინური ნემსი")
• ოპერატიული მკურნალობა

ხერხემლის სვეტის გულმკერდის ოსტეოქონდროზის დროს მალთაშუა (ფასეტურ) სახსრებშიც შეიძლება ჩატარდეს სამკურნალო ბლოკადები. ბლოკადებს იყენებენ, როცა ხერხემლის სვეტის გულმკერდის არეში ოსტეოქონდროზისა და ნეკნთაშუა ნევრალგიის ჩვეულებრივ მკურნალობას არ აქვს მდგრადი დადებითი ეფექტი.

ხერხემლის გულმკერდის არის ტკივილის და ნეკნთაშუა ნევრალგიის დროს ბლოკადის ჩასატარებლად საკმარისია ანესთეზირებადი საშუალების (ნოვოკაინი, ლიდოკაინი) მცირე დოზა და კორტიზონი, დიპროსპანი ან კენალოგი, შეყვანილი დაზიანებული სახსრის სივრცეში ან მის სიახლოვეს, ასევე მტკივნეული კუნთოვანი გამკვრივების პროექციაში და ნეკნებს შორის გამავალი ნეკნთაშუა ნერვის გასვლის წერტილებში.

ხერხემლის სვეტის გულმკერდის ოსტეოქონდროზის შემთხვევაში კუნთებში, იოგებსა და სახსრების კაფსულებში ტკივილის დროს ამბულატორიული მკურნალობა შეიძლება გაგრძელდეს 1,5-2 კვირა (მწვავე ტკივილის დაწყების მომენტიდან).

ვირუსული ნეკნთაშუა ნევრალგიის დროს ტკივილისას (განსაკუთრებით ხანდაზმულ ადამიანებსა და დასუსტებულ პაციენტებში) ნევრალგიის ამბულატორიული მკურნალობა შეიძლება გაგრძელდეს 0,5-დან 1,5 თვემდე.