არაკომპრესიული ონკოლოგიური მიელოპათიები

ინტრამედულარული მეტასტაზები

ავთვისებიანი სიმსივნის დროს მიელოპათიები ხშირად ახდენენ ზეწოლას ზურგის ტვინზე. მაგრამ თუ დამატებითი ინსტრუმენტალური დიაგნოსტიკის დროს მაგნიტურ-რეზონანსულ ან კომპიუტერულ ტომოგრაფიაზე არ ვლინდება ლიკვორული ბლოკი, მაშინ მომავალშიც ასევე რთული იქნება ინტრამედულარული, პარაკარცინომატოზური და სხივური თერაპიების განსხვავება ერთმანეთისაგან.

პროგრესირებადი მიელოპათიის მქონე პაციენტს კიბოს მეტასტაზების აღმოჩენის შემთხვევაში მიელოგრაფიის, ზურგის ტვინის კომპიუტერული ან მაგნიტურ-რეზონანსული ტომოგრაფიის დროს თუ არ უვლინდება ზურგის ტვინზე ზეწოლა, მაშინ, სავარაუდოდ, მეტასტაზი შეიძლება აღმოჩნდეს ზურგის ტვინის პარენქიმაში (ინტრამედულარული მეტასტაზი). პარანეოპლასტიკური მიელოპათია პაციენტებში გაცილებით იშვიათად გვხვდება. თუ პაციენტი ზურგში ტკივილს უჩივის, ეს შეიძლება იყოს ზურგის ტვინის პარენქიმაში სიმსივნის მეტასტაზის პირველი (თუმცა არა აუცილებელი) ნიშანი. მეტასტაზების ასეთი განლაგების შემთხვევაში ავადმყოფს შეიძლება განუვითარდეს ზრდადი სპასტიკური პარაპარეზი ანდა პარასტეზიები.

ინტრადურალური ინტრამედულარული სიმსივნე, რომელიც ზურგის ტვინის ცენტრშია მოთავსებული.

მგრძნობელობის დისოცირებული მოშლა ან მისი სრული შენარჩუნება ზურგის ტვინის გავის სეგმენტებში დამახასიათებელია ზურგის ტვინის შიდა კომპრესიისათვის. ასეთი მდგომარეობა ავადმყოფებს იშვიათად აქვთ. უფრო ხშირად ვლინდება ასიმეტრიული პარაპარეზი და მგრძნობელობის ნაწილობრივი დაკარგვა.

პაციენტისთვის მიელოგრაფიის, კომპიუტერული ან მაგნიტურ-რეზონანსული ტომოგრაფიის ჩატარების დროს გამოჩნდება ზურგის ტვინის შეშუპება შიდა კომპრესიის ნიშნების გარეშე. ზურგის ტვინის გამოკვლევების დროს პაციენტების ნახევარს კომპიუტერული ტომოგრაფიის ან მიელოგრაფიის დროს სურათებზე ნორმალური ვითარება უფიქსირდებათ. ამიტომ ზურგის ტვინის მაგნიტურ-რეზონანსული ტომოგრაფია, როგორც დიაგნოსტიკური მეთოდი, გაცილებით მეტ ინფორმაციას გვაწვდის ზურგის ტვინის პარენქიმაში პირველადი სიმსივნის (ინტრამედულარული სიმსივნის) მეტასტაზური კერების დიფერენცირების დროს.

ზურგის ტვინის პარენქიმის შიგნით სიმსივნის მეტასტაზები (ინტრამედულარული მეტასტაზები) ჩვეულებრივ ბრონქოგენური კარცინომებიდან წარმოიშობიან, უფრო იშვიათად კი სარძევე ჯირკვლის კიბოს ან სხვა სოლიდური სიმსივნეებიდან. მელანომების მეტასტაზები იშვიათად ხდებიან ზურგის ტვინის შიდა კომპრესიის მიზეზი. მელანომის მეტასტაზები უფრო ხშირად გვხვდება ზურგი ტვინის პარენქიმის შიგნით სიმსივნის (ინტრამედულარული მოცულობითი პროცესის) სახით. მელანომის მეტასტაზი წარმოადგენს ერთეულ ექსცენტრიკულად მდებარე კვანძს, რომელიც წარმოიქმნება ზურგი ტვინში სისხლის ნაკადის მოხვედრის შედეგად. ზურგის ტვინში მელანომის მეტასტაზის სხივური თერაპია შეიძლება ეფექტური აღმოჩნდეს.