დეგენერაციული და მემკვიდრეობითი მიელოპათიები
მემკვიდრეობითი მიელოპათია
მემკვიდრეობითი დაავადებების ერთ-ერთი სახეობა, რომელიც იწვევს ავადმყოფებში ზურგის ტვინის დაზიანების სინდრომებს, არის ფრიდრეიხის ატაქსია. ესაა პროგრესირებადი მემკვიდრეობითი აუტოსომიურ-რეცესიული დაავადება, რომელიც იწვევს ავადმყოფებში ქვედა კიდურებისა და ტანის ატაქსიას. ფრიდრეიხის ატაქსია ვლინდება გვიანი ბავშვობის ასაკში. ფრიდრეიხის ატაქსიის მქონე პაციენტებს უვლინდებათ:
- წარმმართველი კანკალი (ინტენციური ტრემორი)
- ხელების მოუქნელობა
- მეტყველების დარღვევა (დიზართრია)
ზურგის ტვინის გარსებისა და მის გარშემო არსებული ხერხემლის არხის სტრუქტურების ანატომია.
მემკვიდრეობითი მიელოპათიის მქონე ავადმყოფებში ხშირად გვხვდება კიფოსკოლიოზი და ცხენის ტერფი (pes cavus). გასინჯვისას პაციენტებს უვლინდებათ მყესის რეფლექსების არარსებობა (არეფლექსია), ბაბინსკის პათოლოგიური ტერფის რეფლექსები და ვიბრაციული და კუნთოვან -სახსროვანი შეგრძნების გამოხატული დარღვევები. ასევე ფიქსირდება ფრიდრეიხის ატაქსიის ფრაგმენტული და მსუბუქი ფორმები სხვა სინდრომებთან ერთად:
- სპასტიკური პარაპარეზი (შტრიუმპელ-ლორენის ფორმა)
- ნათხემის ქერქის დეგენერაცია (ცერებრალური კორტიკული დეგენერაცია) ატაქსიის თანხლებით
- ოლივოპონტოცერებრალური ატროფია
გვერდითი ამიოტროფული სკლეროზი (მამოძრავებელი ნეირონის დაავადება)
სიმეტრიული სპასტიკური პარაპარეზის (რომელსაც არ ახლავს მგრძნობელობის დარღვევა) არსებობის შემთხვევაში პაციენტს შეიძლება აღმოაჩნდეს გვერდითი ამიოტროფული სკლეროზი (მამოძრავებელი ნეირონის დაავადება). გვერდითი ამიოტროფული სკლეროზი (მამოძრავებელი ნეირონის დაავადება) იწვევს მოძრაობის დარღვევას, აზიანებს კორტიკოსპინალურ, კორტიკობულბარულ ტრაქტს ზურგის ტვინის წინა რქების ნეირონებთან ერთად. პაციენტის კუნთების კრუნჩხვები (ფასციკულაციები) და მათი ინერვაციის არარსებობა ელექტრომიოგრაფიულ გამოკვლევაზე არის ნიშანი მამოძრავებელი ნეირონების დაზიანებისა გვერდითი ამიოტროფული სკლეროზის დროს.
ზურგის ტვინის ქვემწვავე კომბინირებული დეგენერაცია В12 ვიტამინის დეფიციტის დროს
ზურგის ტვინის ქვემწვავე კომბინირებული დეგენერაცია В12 ვიტამინის დეფიციტის დროს - ესაა მიელოპათიის სახეობა, რომელიც ავადმყოფებში იწვევს სამოძრაო და მგრძნობელობით დარღვევებს:
- კუნთების პროგრესირებად სპაზმს და ატაქსიურ პარაპარეზს პოლინეიროპათიის თანხლებით
- გამოხატულ დისტალურ პერესტეზიებს ტერფებსა და ხელის მტევნებში
ზურგის ტვინის ქვემწვავე კომბინირებული დეგენერაცია В12 ვიტამინის დეფიციტის დროს არის დაავადება, რომელიც მკურნალობას კარგად ექვემდებარება. პაციენტებში აუცილებელია В12 ვიტამინის დეფიციტის დროს ზურგის ტვინის ქვემწვავე კომბინირებული დეგენერაციის დიფერენცირება:
- კისრის სპონდილოზისაგან
- გვიან გამოვლინებადი დეგენერაციული მიელოპათიისაგან
- ზურგის ტვინის გვიან გამოვლინებადი სიმეტრიული მრავალკეროვანი (გაფანტული) სკლეროზისაგან
მოცემული პათოლოგიის დროს შეიძლება ასევე დაზიანდეს პერიფერიული და მხედველობითი ნერვები, თავის ტვინი. დიაგნოზი ზუსტდება სისხლის პლაზმის ლაბორატორიული ანალიზით, რომლის დროსაც ვლინდება, რომ ავადმყოფს აქვს В12 ვიტამინის დაბალი დონე და შილინგის დადებითი ტესტი. სპეციალისტთა აზრი იმის თაობაზე, რომ ავადმყოფის სისხლის პლაზმაში ფოლატის და Е ვიტამინის დეფიციტმა შეიძლება გამოიწვიოს ანალოგიური სინდრომის განვითარება, ურთიერთსაწინააღმდეგოა. ხანდახან ერთსა და იმავე პაციენტს შეიძლება გამოუვლინდეს გაფანტული სკლეროზიც და В12 ვიტამინის დეფიციტიანი მიელოპათიაც ერთდროულად.
იხილეთ აგრეთვე
- ხერხემლის ანატომია
- ხერხემლის და ზურგის ტვინის თანდაყოლილი ანომალიები (კისრის ნეკნი, კლიპელ-ფეილის სინდრომი, სპინა ბიფიდა, საკრალიზაცია, ლუმბალიზაცია)
- გავა-თეძოს შესახსრების ოსტეოართროზი
- სპონდილოართროზი, მალთაშუა სახსრის ართროზი (ოსტეოართროზი)
- ზურგის ტვინის დაავადებები:
- ანკილოზირებადი სპონდილიტი (ბეხტერევის დაავადება)
- ხერხემლის იუვენილური ოსტეოქონდროზი (შეერმან-მაუს დაავადება)
- წელის ტკივილი (ზურგის ქვემო ნაწილის ტკივილი), საჯდომი ნერვის ანთება, იშიაზი
- კისრის, კეფისა და ხელის ტკივილის სიმპტომი, კისრის ნაწილის ოსტეოქონდროზი და თიაქარი
- წელის ტკივილი ორსულობის დროს
- მალების ამოვარდნილობა და ქვეამოვარდნილობა
- მალის ჰემანგიომა (ვერტებრალური ანგიომა)
- ხერხემლის (მალთაშუა დისკების) თიაქარი და პროტრუზია
- კოკციგოდინია (კუდუსუნის ტკივილი)
- ლუმბაგო (წელკავი), ლუმბალგია, ლუმბოიშიალგია
- ხერხემლის ოსტეოფიტები
- მალების სხეულების ოსტეოპოროზი (პირველადი და მეორეული)
- ნეკნთაშუა (ნეკნთაშორისი) ნევრალგია, ხერხემლის გულმკერდის არის ტკივილი
- ხერხემლის ოსტეოქონდროზი და მისი სიმპტომები
- ხერხემლის მოტეხილობა (კომპრესიული)
- დამბლის მქონე ავადმყოფის მოვლის წესები (ხელებისა და ფეხების კუნთების დამბლა, პარაპლეგია, ტეტრაპლეგია)
- საკროდინია (ტკივილი გავაში)
- გავა-თეძოს სახსრის ანთება (საკროილეიტი)
- ხერხემლის სკოლიოზი, წელში მოხრილობა, ტანადობის დარღვევა
- ხერხემლის სპონდილოზი
- სპონდილიტი (ტუბერკულოზური, ინფექციური ოსტეომიელიტი)
- პონდილოლისტეზი (მალების გადანაცვლება, ხერხემლის სეგმენტის არასტაბილურობა)
- ხერხემლის არხის სტენოზი (სპინალური სტენოზი)
- კისრის ტრავმა (ქალა-კისრის სინდრომი)
- სპინალური ჩირქოვანი ეპიდურიტი