ნევრალგია

ნეკნთაშუა ნევრალგია

ნეკნთაშუა ნევრალგია — ნეკნთაშუა ტკივილია, რომელიც წარმოიშობა ჰერპესის ვირუსით ანდა ჰერპეტული ნევრიტით ნერვის გარსის დაზიანების დროს.

ნეკნთაშუა ნერვის გასწვრივ ტკივილს (ნეკნთაშუა ნევრალგიას) შემომსარტყლავი ჰერპესის დროს აქვს თავისებური, მწვავე ხასიათი, რაც მიმართულია ნეკნებს შუა. ეს გამოწვეულია თვით ნეკნთაშუა ნერვის მიელინური გარსის დაზიანებით, რადგანაც მასში “ბუდობს” ჰერპესის ვირუსი.

 

სამწვერა ნერვის ნევრალგია

სამწვერა ნერვის ნევრალგია — უძლიერესი ტკივილია სამწვერა ნერვის ტოტების ინერვაციის უბნებში სახეზე, თვალის რქოვან გარსზე და პირის ღრუში.

 

ნევრალგიის დიაგნოსტიკა

ნევრალგიის დიაგნოსტიკა სპეციალისტებისთვის ადვილია და გართულებებს არ იწვევს. ეს პროცესი იწყება დაავადებისათვის ტიპური ჩივილების მქონე პაციენტის ნევროლოგიური გასინჯვით. ცალკეულ შემთხვევებში შესაძლოა საჭირო გახდეს დამატებითი ინსტრუმენტალური გამოკვლევა (ელექტრონეიროგრაფია), თუკი ნევრალგიის გაჩენის მიზეზი გახდა ნერვის პროექციაში ტრავმა.

შესაძლოა საჭირო გახდეს ხერხემლის ან რომელიმე ნერვული წნულის მაგნიტურ-რეზონანსული ტომოგრაფიის ჩატარება ნერვულ სტრუქტურებზე რაიმე სახის მოცულობითი ზემოქმედების დროს, როგორც ეს ხდება მალთაშუა დისკის თიაქრის ან პროტრუზიის ანდა რბილი ქსოვილების სიმსივნეების და სხვათა შემთხვევაში.

 

ნევრალგიის მკურნალობა

ნევრალგიის (ნეკნთაშუა ნევრალგია, სამწვერა ნერვის ნევრალგია) მკურნალობა შეირჩევა ინდივიდუალურად ყოველ კონკრეტულ შემთხვევაში. ის მოიცავს კონსერვატული პროცედურების კომპლექსს:

• ნერვის სტიმულაცია
• კუნთის სტიმულაცია
• “В“, “С“ და “Е“ ჯგუფის ვიტამინები
• არასტეროიდული ანთების საწინააღმდეგო საშუალებები (ნალგეზინი, იბუპროფენი, მელოქსიკამი და ა.შ.)
• ნეიროლეპტიკები (ფინლეპსინი, ლირიკა და ა.შ.)
• ჰომეოპათიური საშუალებები
• რეფლექსოთერაპია (“ჩინური” ნემსები)
• ოპერაცია ნერვულ ღეროზე

ჩატარებული კონსერვატული თერაპიის არაეფექტურობის შემთხვევაში პაციენტს შესაძლოა დასჭირდეს ოპერატიული მკურნალობა (ნერვული ღეროს ნევროლიზი და ა.შ.).