სამწვერა ნერვის ტრავმატული ნეიროპათია (ნევრიტი)

სამწვერა ნერვის ტრავმატული ნეიროპათიის (ნევრიტის) დიაგნოსტიკა

სამწვერა ნერვის დაზიანების ტიპის დასადგენად საჭიროა მისი დაზიანების დონის დიაგნოსტიკა. საჭიროა ჩატარდეს:

• პაციენტის ნევროლოგიური გასინჯვა
• ელექტრონეიროგრაფია
• ცხვირის დანამატი წიაღებისა და თვალ-ბუდის მაგნიტურ-რეზონანსული ტომოგრაფია (MRI)
• თავის ტვინის და ქალას წიაღების კომპიუტერული ტომოგრაფია (CT)

სამწვერა ნერვის ტრავმატული ნეიროპათია კლინიკურად ვლინდება სამწვერა ნერვის დაზიანებული ტოტების ინერვაციის ზონაში მგრძნობელობის დარღვევით, პარესტეზიით, სხვადასხვა ინტენსივობის გამუდმებული ყრუ ტკივილით. ქვედაალვეოლარული ნერვის დაზიანების დროს სამწვერა ნერვის ტრავმატული ნეიროპათიის დროს აღინიშნება კუნთების მოძრაობის ფუნქციის დარღვევები.

სამწვერა ნერვის ტრავმატული ნეიროპათიის დროს აღინიშნება სამწვერა ნერვის ინერვაციის ზონაში ყველა სახის მგრძნობელობის გაქრობა ან დაქვეითება, ასევე ტკივილის შეგრძნება ზოგიერთი კბილის პერკუსიის დროს. სამწვერა ნერვის ტრავმატული ნეიროპათიის დროს კბილების პულპის ელექტროაღგზნებადობა ქვეითდება ან საერთოდ არ აღინიშნება.

ზოგჯერ გვხვდება სამწვერა ნერვის ცალკეული ტოტების (ნიკაპის, ენის , ლოყის, ზედა კბილ-ბუდის, სასის ნერვების) ტრავმატული ნეიროპათია.

ნიკაპის ნერვის ნეიროპათიისათვის დამახასიათებელია პარესტეზია, ტკივილი და მგრძნობელობის დარღვევა ქვედა ტუჩისა და ნიკაპის შესაბამის არეში.

ზედა კბილ-ბუდის ნერვების ნეიროპათიისათვის დამახასიათებელია ხანგრძლივი მიმდინარეობა. სასის ნერვის ნეიროპათიისათვის დამახასიათებელია წვა და სიმშრალე დაზიანების მხარეს სასის ნახევრის არეში. სასის ნერვის ინერვაციის ზონაში შეიძლება აღინიშნოს მგრძნობელობის გაქრობა ან დაქვეითება.

 

სამწვერა ნერვის ტრავმატული ნეიროპათიის (ნევრიტის) მკურნალობა

ნერვული იმპულსის გამტარიანობის დარღვევა ნეიროპრაქსიის დროს ჩვეულებრივ გრძელდება 6-8 კვირა მის სრულ აღდგენამდე.

სამწვერა ნერვის ნეიროპათიის დროს მკურნალობა ინდივიდუალურად შეირჩევა ყოველ კონკრეტულ შემთხვევაში. ის მოიცავს კონსერვატული პროცედურების კომპლექსს:

• ნერვის სტიმულაცია
• კუნთის სტიმულაცია
• "B", "C" და "E" ჯგუფის ვიტამინები
• არასტეროიდული ანთების საწინააღმდეგო საშუალებები (ნალგეზინი, იბუპროფენი, მელოქსიკამი და ა.შ.)
• ნეიროლეპტიკები (ფინლეპსინი, ლირიკა და ა.შ.)
• ჰომეოპათიური საშუალებები
• რეფლექსოთერაპია (“ჩინური” ნემსები)
• ოპერაცია ნერვულ ღეროზე (ნევროლიზი - ნერვზე ნაწიბური არსებობის შემთხვევასი და ა.შ.)

ცნობილია, რომ სამწვერა ნერვის ტრავმატული ნეიროპათიის დროს გამოყენებული რეფლექსოთერაპია (“ჩინური ნემსები”) მიმართულია:

• ანთებისასაწინააღმდეგო ზემოქმედების უზრუნველყოფისაკენ
• ნერვული ღეროს შეშუპებისა და შესიების მოხსნისაკენ
• სენსიბილიზირებადი ეფექტის მიღწევისაკენ
• ადაპტაციური და კომპენსატორული რეაქციების ჩართვისაკენ
• ნერვულ ღეროში იმპულსების გამქრალი გამტარობის უფრო სრული აღდგენისაკენ

სამწვერა ნერვის ტრავმატული ნეიროპათიის მკურნალობის ხანგრძლივობა და მისი პერიოდულობა დამოკიდებულია შემდგომში თვითონ ნერვის მდგომარეობაზე, ასევე სახის კანისა და პირის ლორწოვანი ღრუს მგრძნობელობის აღდგენაზე.

აუცილებელია დროულად მოიხსნას ის სტომატოლოგიური იმპლანტი, რომლის გამო იყო მიყენებული ტრავმატული ზიანი (კომპრესია) სამწვერა ნერვის ტოტზე.