შიდა ქალას ოტოგენური გართულებები
შიდა ქალას ოტოგენური გართულებები
შიდა ქალას გართულებები შეიძლება გაჩნდეს მწვავე ან ქრონიკული ჩირქოვანი ოტიტის დროს (შუა ყურის ანთება). როგორც წესი, გართულების მიზეზი არის შუა ყურის ჩირქოვანი ანთება, მაგრამ არსებობს შემთხვევები როცა მიზეზი შეიძლება იყოს არა ჩირქოვანი (სეროზული) ოტიტი დაფის აპკის პერფორაციის გარეშე. მწვავე ანთებითი პროცესის დროს შიდა ქალას გართულებები ყველაზე ხშირად ჩნდება მასტოიდიტის შემდეგ.
შუა ყურის ქრონიკული ჩირქოვანი ოტიტების დროს შიდა ქალას გართულებები ვლინდება უფრო ხშირად ვიდრე შუა ყურის მწვავე ანთების დროს. ისინი ძირითადად გვხვდება ქრონიკული ეპიტიმპანიტების და მეზო-ეპიტიმპანიტების დროს, განსაკუთრებით გართულებული ქოლესტეატომით. ზოგჯერ კი გართულებები გვხვდება მეზოტიმპანიტების დროს.
თავის ტვინის მაგნიტურ-რეზონანსული ტომოგრაფია ტარდება შუა ყურის ოტიტის შიდა ქალას გართულებებზე ეჭვის დროს.
ინფექციის გავრცელება შუა ყურის ღრუდან თავის ტვინზე, ტვინის გარსებზე და ვენოზურ სინუსებზე ხდება:
- კონტაქტური გზით (ყველაზე ხშირად)
- სისხლძარღვოვანი გზით (ძირითადად ვენოზური, ასევე ზოგჯერ არტერიული და ლიმფატიური)
კონტაქტური გზით ინფექციის გავრცელება (უმეტესად შუა ყურის ქრონიკული ჩირქოვანი ოტიტების) ხდება დაფის ღრუს ძვლების კიდეების და დვრილისებრი მორჩის (ძირითადად სახურავის და შიდა კიდის სიგმოიდური სინუსის ღარის მხარეს) თანდათანობითი დაშლის შედეგად, ასევე ლაბირინთის, როცა ანთებითი კერა იწყებს შეხებას პირდაპირ ტვინის გარსებთან (ქალას შუა და უკანა ფოსოებში). კონტაქტური გზით ინფექციის გავრცელების დროს ანთებითი პროცესი შეიძლება შეიზღუდოს გარკვეულ დროში მაგარი გარსის გარეთა ზედაპირით. სხვა შემთხვევებში ინფექცია ვრცელდება უფრო ღრმად და გადადის თავის ტვინის ქსელისებრ და რბილ გარსებზე, ასევე ტვინის ნივთიერებაზე.
სიგმოიდურ სინუსში ინფექციის შეღწევის დროს ჩვეულებრივ ვითარდება სეფსისი.
შიდა ქალას ოტოგენური გართულებების გამომწვევი მიკრო ორგანიზმებიდან ყველაზე ხშირად გვხვდება სტრეპტოკოკები, შემდეგ სტაფილოკოკები, პნევმოკოკები, შედარებით იშვიათად ნაწლავის ჩხირი, პროტეები, ანაერობები და სხვა. შიდა ქალას ოტოგენურ გართულებებს მიეკუთვნება:
- ეპიდურალური აბსცესი
- სუბდურული აბსცესი
- სიგმოიდური სინუსისი თრომბოფლებიტი (იშვიათად მღვიმოვანი), სეფსისი
- ბაქტერიული (ჩირქოვანი) მენინგიტი
- თავის ტვინის ნახევარსფეროს აბსცესი, ნათხემის აბსცესი
- არაქნოიდიტი (სეროზული მენინგიტი)
შიდა ქალას ოტოგენური გართულებების პროფილაქტიკა
ღონისძიებები, რომლებიც თავიდან გვაცილებს შიდა ქალას გართულებების განვითარებას, მოიცავს დროულ, ზუსტ და თანმიმდევრულ მკურნალობას შუა ყურის მწვავე და ქრონიკულ ოტიტზე. არაკეთილთვისებიანად მიმდინარე ქრონიკული ჩირქოვანი ოტიტის დროს (ქოლესტეატომის, გრანულაციების და პოლიპების განვითარება) ყველაზე ეფექტურია მკურნალობა ოპერატიული ჩარევით.
ოპერაცია ყურზე ტარდება ტიმპანოპლასტიკის სახით (თუ არ არსებობს გამოხატული კარიბჭე-ლოკოკინას ნერვის ანთება) ან როგორც ჩვეულებრივი ოპერაცია შუა ყურზე გაფართოებული მიდგომით.
იხილეთ აგრეთვე
- თავის ტვინის და პერიფერიული ნერვების ანატომია
- ჰიპოფიზის მიკროადენომა, მაკროადენომა და არაფუნქციონირებადი ადენომა (NFPAs), ჰიპერპროლაქტინემიის სინდრომი
- ცერებრალური და სპინალური არაქნოიდიტი
- შიდა ქალის წნევა და ჰიდროცეფალია
- თავის ტკივილი, შაკიკი
- თავის ტვინის ინფექციური დაავადებები:
- თავის ტვინის ნახევარსფეროები და ნათხემი აბსცესი
- თავის ტვინის სუბდურული აბსცესი
- თავის ტვინის ეპიდურალური აბსცესი
- ცხვირის ღრუს და მისი დამატებითი წიაღების ანთებითი დაავადებების შიდა ქალას გართულებები
- ყურის დაავადებების (ოტიტის) შიდა ქალას გართულებები
- ცხვირის ღრუს და წიაღების დაავადებების თვალბუდის გართულებები
- თავის ტვინის ჩირქოვანი ოტოგენური მენინგიტი
- ეოზინოფილური გრანულომა, ლანგერჰანსის უჯრედების ჰისტიოციტოზი, ენებერის ფისტულური სიმპტომი
- თავის ტვინის 3 პარკუჭის კოლოიდური კისტა
- პარკინსონის დაავადება, პარკინსონიზმი
- ქალა-ტვინის ტრავმა, თავის ტვინის შერყევა, ტრავმული შეშუპება, კეროვანი და დიფუზური ტრავმა
- სპონტანური კრანიალური ლიკვორეა
- თავის ტვინის ენცეფალოპათია